నా పేరే తెలియని ప్రజలు - ఎందరో ఉన్నారు

 నా పేరే తెలియని ప్రజలు - ఎందరో ఉన్నారు

    నా ప్రేమను వారికి ప్రకటింప - కొందరె వున్నారు
    ఎవరైనా మీలో ఎవరైనా - వెళతారా నా ప్రేమను చెబుతారా      ॥నా పేరే॥

1. నేను నమ్మిన వారిలో  -  కొందరు మోసం చేశారు
    వెళతానని చెప్పి  -  వెనకకు తిరిగారు

    ఎవరైనా మీలో ఒకరైనా  - వెళతారా నా ప్రేమను చెబుతారా      ॥నా పేరే॥

2. రక్షణ పొందని ప్రజలు  -  లక్షల కొలదిగ ఉన్నారు
    మారుమూలల గ్రామాల్లో -  ఊరివెలుపలి వీధుల్లో
    ఎవరైనా మీలో ఎవరైనా - వెళతారా నా ప్రేమను చెబుతారా       ॥నా పేరే॥

3. వెళ్ళగలిగితే మీరు  -  తప్పక వెళ్ళండి వెళ్ళలేకపోతే   -  వెళ్ళే వారిని పంపండి
  ఎవరైనా మీలో ఎవరైనా   -   వెళతారా నా ప్రేమను చెబుతారా   ॥నా పేరే॥

నిత్యము స్తుతించినా - నీ ఋణము తీర్చలేను

నిత్యము స్తుతించినా

నీ ఋణము తీర్చలేను

సమస్తము నీకిచ్చినా

నీ త్యాగము మరువలేను.  (2)

రాజా రాజా రాజాధి రాజువు నీవు

దేవా దేవా దేవాది దేవుడవు.  (2)   ||నిత్యము||

అద్వితీయ దేవుడా

ఆది అంతములై యున్నవాడా,  (2)

అంగలార్పును నాట్యముగా

మార్చివేసిన మా ప్రభు.  (2)      ||రాజా||

జీవమైన దేవడా

జీవమిచ్చిన నాథుడా.  (2)

జీవజలముల బుగ్గ యొద్దకు

నన్ను నడిపిన కాపరి.  (2)         ||రాజా||

మార్పులేని దేవుడా

మాకు సరిపోయినవాడా.  (2)

మాటతోనే సృష్టినంతా

కలుగజేసిన పూజ్యుడా.  (2)       ||రాజా||

నిజమైన ద్రాక్షావల్లి నీవే

నిజమైన ద్రాక్షావల్లి నీవే
నిత్యమైన సంతోషము నీలోనే.   (2)
శాశ్వతమైనది ఎంతో మధురమైనది
నాపైన నీకున్న ప్రేమ-ఎనలేని నీ ప్రేమ.  (2)   ||నిజమైన||

అతి కాంక్షనీయుడా దివ్యమైన నీ రూపులో
జీవించున్నాను నీ ప్రేమకు నే పత్రికగా,  (2)
శిధిలమై యుండగా నన్ను నీదు రక్తముతో కడిగి
నీ పోలికగా మార్చినావే నా యేసయ్యా.  (2)   ||నిజమైన||

నా ప్రాణ ప్రియుడా శ్రేష్టమైన ఫలములతో
అర్పించుచున్నాను సర్వము నీకే అర్పణగా.  (2)
వాడిపోనివ్వక నాకు ఆశ్రయమైతివి నీవు
జీవపు ఊటవై బలపరచితివి నా యేసయ్యా.  (2)  ||నిజమైన||

షాలేము రాజా రమ్యమైన సీయోనుకే
నను నడిపించుము నీ చిత్తమైన మార్గములో.  (2)
అలసి పోనివ్వక నన్ను నీదు ఆత్మతో నింపి
ఆదరణ కర్తవై నను చేర్చుము నీ రాజ్యములో.  (2)   ||నిజమైన||

నా తండ్రి నీవే – నా దేవుడవు నీవే

నా తండ్రి నీవే – నా దేవుడవు నీవే

నా తండ్రి నీవే – నీవే.  (2)

యేసయ్యా… యేసయ్యా… యేసయ్యా…. యేసయ్యా

యేసయ్యా… యేసయ్యా… యేసయ్యా… యేసయ్యా.   ||నా తండ్రి||

నా అడుగులు తప్పటడుగులై
నడిచిన నా ప్రతి మార్గము
సరిచేయు నా తండ్రివి.  (2)
పగలు ఎండ దెబ్బయైనను
రాత్రి వెన్నెల దెబ్బయైనను
తగులకుండ కాచే నీ ప్రేమ.  (2)     ||యేసయ్యా||

గాడాంధకార లోయలో
నే నడచిన ప్రతివేళలో
తోడున్న నా తండ్రివి.  (2)
వేయిమంది కుడి ఎడమకు
కూలినా కూలును కాని
చెదరకుండ నన్ను కాపాడు ప్రేమ.  (2)   ||యేసయ్యా||

నా జీవిత భాగస్వామివి నీవు

నా జీవిత భాగస్వామివి నీవు

నా ప్రాణముతో పెనవేసుకున్నావు నీవు.  (2)

నాకే సమృద్దిగా నీ కృపను పంచావు

నా యేసురాజ కృపాసాగరా అనంత స్తోత్రార్హుడా.  (2)

నీ దయగల కనుసైగలే ధైర్యపరచినవి
నీ అడుగుజాడలే నాకు త్రోవను చూపినవి.  (2)
నీ రాజ్య పౌరునిగా నన్ను మార్చితివి
నీ సైన్యములో నన్ను చేర్చితివి.  (2)    ||నా జీవిత||

నీ దయగల మాటలే చేరదీసినవి
నీతి నియమాలలో నన్ను నడిపించుచున్నవి.  (2)
నీ కృపనే ధ్వజముగ నాపైన నిల్పితివి
నీ విందుశాలకు నను చేర్చితివి.  (2)   ||నా జీవిత||

నీ దయగల తలంపులే రూపునిచ్చినవి
నీదు హస్తములే నన్ను నిర్మించుచున్నవి.  (2)
నీ చిత్తమే నాలో నెరవేర్చుచున్నావు
నీ అంతఃపురములో నను చేర్చుదువు.  (2)    ||నా జీవిత||

నా జీవం నా సర్వం నీవే దేవా

నా జీవం నా సర్వం నీవే దేవా.  (2)

నా కొరకే బలి అయిన గొర్రెపిల్ల

నా కొరకే రానున్న ఓ మెస్సయ్యా.    ||నా జీవం||

తప్పిపోయిన నన్ను వెదకి రక్షించి
మంచి కాపరి నాకై ప్రాణమిచ్చితివి.  (2)
ఏమివ్వగలను నీ ఎనలేని ప్రేమకై
విరిగి నలిగిన హృదయమే నేనర్పింతును.  (2)   ||నా జీవం||

మరణము జయించి తిరిగి లేచితివి
నాకు తోడుగా పరిశుద్ధాత్మ నిచ్చితివి.  (2)
అపురూప ప్రేమకై నే సాక్షినై నిలచెదన్
భూదిగంతము వరకు నే ప్రకటించెదన్.  (2)     ||నా జీవం||

నీవే నీవే నీవే దేవా. (4) 

నడిపించు నా నావా

"నడిపించు నా నావా నడి సంద్రమున దేవా

నవ జీవన మార్గమున నా జన్మ తరియింప".    ||నడిపించు||

నా జీవిత తీరమున నా అపజయ భారమున
నలిగిన నా హృదయమును నడిపించుము లోతునకు
నా యాత్మ విరబూయ నా దీక్ష ఫలియింప
నా నావలో కాలిడుము నా సేవ చేకొనుము.     ||నడిపించు||

రాత్రంతయు శ్రమపడినా రాలేదు ప్రభు జయము
రహదారులు వెదకిననూ రాదాయెను ప్రతిఫలము
రక్షించు నీ సిలువ రమణీయ లోతులలో
రతణాలను వెదకుటలో రాజిల్లు నా పడవ.     ||నడిపించు||

ఆత్మార్పణ చేయకయే ఆశించితి నీ చెలిమి
అహమును ప్రేమించుచునే అరసితి ప్రభు నీ కలిమి
ఆశ నిరాశాయే ఆవేదనెదురాయే
ఆధ్యాత్మిక లేమిగని అల్లాడే నావలలు .    ||నడిపించు||

ప్రభు మార్గము విడచితిని ప్రార్థించుట మానితిని
ప్రభు వాక్యము వదలితిని పరమార్థము మరచితిని
ప్రపంచ నటనలలో ప్రావీణ్యమును బొంది
ఫలహీనుడనై యిపుడు పాటింతు నీ మాట.    ||నడిపించు||

లోతైన జలములలో లోతున వినబడు స్వరమా
లోబడుటను నేర్పించి లోపంబులు సవరించి
లోనున్న ఈవులలో లోటైన నా బ్రతుకు
లోపించని అర్పనగా లోకేష చేయుమయా.      ||నడిపించు||

ప్రభు యేసుని శిష్యుడనై ప్రభు ప్రేమలో పాదుకొని
ప్రకటింతును లోకములో పరిశుద్ధుని ప్రేమ కథ
పరమాత్మ ప్రోక్షణతో పరిపూర్ణ సమర్పణతో
ప్రాణంబును ప్రభు కొరకు పానార్పణము చేతు.  ||నడిపించు||

నడిపిస్తాడు నా దేవుడు

నడిపిస్తాడు నా దేవుడు – శ్రమలోనైనా నను విడువడు(2)

అడుగులు తడబడినా – అలసట పైబడినా. (2)

చేయి పట్టి వెన్నుతట్టి – చక్కని ఆలొచన చెప్పి . (2)||నడిపిస్తాడు||

అంధకారమే దారి మూసినా – నిందలే నను కృంగదీసినా.  (2)

తన చిత్తం నెరవేర్చుతాడు

గమ్యం వరకు నను చేర్చుతాడు.  (2)||నడిపిస్తాడు||

కష్టాల కొలిమి కాల్చివేసినా – శోకాలు గుండెను చీల్చివేసినా.  (2)
తన చిత్తం నెరవేర్చుతాడు
గమ్యం వరకు నను చేర్చుతాడు.  (2)||నడిపిస్తాడు||

నాకున్న కలిమి కరిగిపోయిన – నాకున్న బలిమి తరిగిపోయిన.  (2)
తన చిత్తం నెరవేర్చుతాడు
గమ్యం వరకు నను చేర్చుతాడు.  (2)||నడిపిస్తాడు||

నజరేయుడా నా యేసయ్య

”నజరేయుడా నా యేసయ్య”
ఎన్ని యుగాలకైనా
ఆరాధ్య దైవము నీవేనని
గళమెత్తి నీ కీర్తి నే చాటెద.     ||నజరేయుడా||
ఆకాశ గగనాలను నీ జేనతో కొలిచితివి.  (2)
శూన్యములో ఈ భూమిని
వ్రేలాడదీసిన నా యేసయ్య.  (2)
నీకే వందనం నీకే వందనం.  (2)   ||నజరేయుడా||
అగాధ సముద్రాలకు నీవే ఎల్లలు వేసితివి.  (2)
జలములలోబడి నే వెళ్ళినా
నన్నేమి చేయవు నా యేసయ్యా.  (2)
నీకే వందనం నీకే వందనం.  (2)   ||నజరేయుడా||
సీయోను శిఖరాగ్రము నీ సింహాసనమాయెనా.  (2)
సీయోనులో నిను చూడాలని
ఆశతో ఉన్నాను నా యేసయ్యా.  (2)
నీకే వందనం నీకే వందనం.  (2)    ||నజరేయుడా||

నీ చేతితో నన్ను పట్టుకో

 “నీ చేతితో నన్ను పట్టుకో

నీ ఆత్మతో నన్ను నడుపు”
శిల్పి చేతిలో శిలను నేను
అనుక్షణము నన్ను చెక్కుము.  (2) ||నీ చేతితో||

అంధకార లోయలోన
సంచరించినా భయములేదు
నీ వాక్యం శక్తిగలది
నా త్రోవకు నిత్యవెలుగు.  (2)  ||నీ చేతితో||

ఘోరపాపిని నేను తండ్రి
పాప ఊభిలో పడియుంటిని
లేవనెత్తుము శుద్దిచేయుము
పొందనిమ్ము నీదు ప్రేమను.  (2)  ||నీ చేతితో||

ఈ భువిలో రాజు నీవే
నా హృదిలో శాంతి నీవే
కుమ్మరించుము నీదు ఆత్మను
జీవితాంతము సేవ చేసెదన్.  (2)  ||నీ చేతితో||

నీ పాద సన్నిధికి

“నీ పాద సన్నిధికి
కృపామయా యేసయ్యా
నీ ప్రేమ కనుగొనుచు
దేవా నే వచ్చితిని” (2)   ||నీ పాద||

విశ్రాంతి నిచ్చెడు దేవా
శ్రమలెల్ల తీర్చుమయ్యా.  (2)
సిలువయే నా ఆశ్రయము
హాయిగా నచ్చటుండెదను.  (2) ||నీ పాద||

ప్రార్ధించుమంటివి ప్రభువా
సంకట సమయములో.  (2)
దయ చూపి నను కరుణించి
ప్రేమతో ఆదరించుమయ్యా.  (2) ||నీ పాద||

నీ వాక్యమే నన్ను బ్రతికించెను

“నీ వాక్యమే నన్ను బ్రతికించెను
బాధలలో నెమ్మదినిచ్చెను”  (2)
కృపా శక్తి దయా సత్య సంపూర్ణుడా
వాక్యమై ఉన్న యేసు వందనమయ్యా.  (2)  ||నీ వాక్యమే||

జిగటగల ఊభినుండి లేవనెత్తెను
సమతలమగు భూమిపై నన్ను నిలిపెను.  (2)
నా పాదములకు దీపమాయెను.  (2)
సత్యమైన మార్గములో నడుపుచుండెను.  (2)  ||నీ వాక్యమే||

శత్రువులను ఎదుర్కొనే సర్వాంగ కవచమై
యుద్ధమునకు సిద్ధ మనసు ఇచ్చుచున్నది.  (2)
అపవాది వేయుచున్న అగ్ని బాణములను.  (2)
ఖడ్గము వలె అడ్డుకొని ఆర్పి వేయుచున్నది.  (2) ||నీ వాక్యమే||

పాలవంటిది జుంటి తేనె వంటిది
నా జిహ్వకు మహా మధురమైనది.  (2)
మేలిమి బంగారు కన్న మిన్న అయినది.  (2)
రత్న రాసులకన్నా కోరతగినది.  (2) ||నీ వాక్యమే||

నీ రక్తమే నీ రక్తమే నన్ శుద్దీకరించున్

“నీ రక్తమే - నీ రక్తమే - నన్ శుద్దీకరించున్ -నీ రక్తమే నా బలము”  (2)

1.నీ రక్త ధారలే ఇల - పాపికాశ్రయంబిచ్చును - పరిశుద్ధ తండ్రి పాపిని - కడిగి పవిత్ర పరచుము.  (2)  ||నీ రక్తమే||

2.నశించు వారికి నీ సిలువ - వెర్రితనముగ నున్నది
రక్షింపబడుచున్న పాపికి - దేవుని శక్తియై యున్నది.  (2)  ||నీ రక్తమే||

3.నీ సిల్వలో కార్చినట్టి - విలువైన రక్తముచే
పరమ పావన కడుగుము - పవిత్రపరచుము పాపిని.  (2)  ||నీ రక్తమే||

4.నన్ను వెంబడించు సైతానున - నన్ను బెదరించు సైతానున్.  (2) దునుమాడేది నీ రక్తమే - దహించేది నీ రక్తమే.  (2) ||నీ రక్తమే||

5.స్తుతి మహిమ ఘనతయు - యుగయుగంబులకును.  (2)
స్తుతి పాత్ర నీకే చెల్లును - స్తోత్రార్హుడా నీకే తగును.  (2) ||నీ రక్తమే||

నీ స్వరము వినిపించు ప్రభువా

 “నీ స్వరము వినిపించు ప్రభువా

నీ దాసుడాలకించున్”. (2)
నీ వాక్యమును నేర్పించు
దానియందు నడుచునట్లు నీతో.   ||నీ స్వరము||

ఉదయమునే లేచి – నీ స్వరము వినుట
నాకు ఎంతో మధురము
దినమంతటి కొరకు – నను సిద్ధపరచు
రక్షించు ఆపదలనుండి – (2)   ||నీ స్వరము||

నీ వాక్యము చదివి – నీ స్వరము వినుచు
నేను సరి చేసికొందు
నీ మార్గములో – నడుచునట్లుగా
నేర్పించుము ఎల్లప్పుడూ – (2)  ||నీ స్వరము||

భయ భీతులలో – తుఫానులలో
నీ స్వరము వినిపించుము
అభయము నిమ్ము – ఓ గొప్ప దేవా
ధైర్య పరచుము నన్ను – (2)     ||నీ స్వరము||

నాతో మాట్లాడు – స్పష్టముగా ప్రభువా
నీ స్వరము నా కొరకే
నీతో మనుష్యులతో – సరిచేసికొందు
నీ దివ్య వాక్యము ద్వారా – (2)  ||నీ స్వరము||

నేర్చుకున్నాను – నా శ్రమల ద్వారా
నీ వాక్యమును ఎంతో
నన్నుంచుము ప్రభువా – నీ విశ్వాస్యతలో
నీ యందు నిలచునట్లు – (2)   ||నీ స్వరము||

నా హృదయములోని – చెడు తలంపులను
చేధించు నీ వాక్యము
నీ రూపమునకు – మార్చుము నన్ను
నీదు మహిమ కొరకేగా – (2)   ||నీ స్వరము||

నే సాగెద యేసునితో

“నే సాగెద యేసునితో
నా జీవిత కాలమంతా”.  (2)

యేసుతో గడిపెద యేసుతో నడిచెద.  (2)
పరమును చేరగ నే వెళ్లెద.  (2)
హనోకు వలె సాగెదా.     ||నే సాగెద||

వెనుక శత్రువులు వెంటాడిననూ.  (2)
ముందు సముద్రము ఎదురొచ్చినా.  (2)
మోషె వలె సాగెదా         ||నే సాగెద||

లోకపు శ్రమలు నన్నెదిరించినా.  (2)
కఠినులు రాళ్ళతో హింసించినా.  (2)
స్తెఫను వలె సాగెదా.       ||నే సాగెద||

బ్రతుకుట క్రీస్తే చావైనా మేలే.  (2)
క్రీస్తుకై హత సాక్షిగా మారిన.  (2)
పౌలు వలె సాగెదా.       ||నే సాగెద||

తల్లి మరచిన తండ్రి విడచిన.  (2)
బంధువులే నన్ను వెలివేసినా.  (2)
బలవంతుని వలె సాగెదా.  ||నే సాగెద||

నే యేసుని వెంబడింతునని

"నే యేసుని వెంబడింతునని
నేడేగా నిశ్చయించితిని
నే వెనుదిరుగన్ వెనుకాడన్
నేడేసుడు పిల్చిన సుదినం"   ||నే యేసుని||

నా ముందు శిలువ నా వెనుక లోకాశల్
నాదే దారి నా మనస్సులో
ప్రభు నా చుట్టు విరోధుల్
నావారెవరు నా యేసుని మించిన మిత్రుల్
నాకిలలో గానిపించరని.   ||నే యేసుని||

కరువులైనను కలతలైనను
కలసిరాని కలిమి లేములు
కలవరంబులు కలిగిననూ
కదలనింకా కష్టములైనా
వదలను నాదు నిశ్చయము.  ||నే యేసుని||

శ్రమయైననూ బాధలైననూ
హింసయైన వస్త్రహీనత
ఉపద్రవములు ఖడ్గములైన
నా యేసుని ప్రేమనుండి
నను యెడబాపెటి వారెవరు.  ||నే యేసుని||

నేనెరుగుదును ఒక స్నేహితుని

 “నేనెరుగుదును ఒక స్నేహితుని

అతడెంతో పరిశుద్ధుడు

ఆ పరిశుద్ధుడే నా జీవన రక్షణ

కారణ భూతుడు”  (2)

అతడే యేసుడు… అతడే యేసుడు.  (2)      ||నేనెరుగుదును||

చీకటి దారులలో – చితికిన బ్రతుకులకు.  (2)
వెలుగు కలుగజేసే – జీవ జ్యోతి యేసే.  (2)   ||నేనెరుగుదును||

చెరిగిన మనసులతో – చెదరిన మనుజులకు.  (2)
శాంతి కలుగజేసే – శక్తిమంతుడేసే.  (2)     ||నేనెరుగుదును||

నూతన పరచుము దేవా

“నూతన పరచుము దేవా

నీ కార్యములు నా యెడల”  (2)

సంవత్సరాలెన్నో జరుగుచున్నను

నూతనపరచుము నా సమస్తము.  (2)

పాతవి గతించిపోవును – సమస్తం నూతనమగును

నీలో ఉత్సహించుచు – నీకై ఎదురు చూతును.  ||నూతన||

శాశ్వతమైనది నీదు ప్రేమ
ఎన్నడైన మారనిది నీదు ప్రేమ.  (2)
దినములు గడచినా సంవత్సరాలెన్ని దొర్లినా
నా యెడ నీదు ప్రేమ నిత్యం నూతనమే.  (2) ||పాతవి||

ప్రతి ఉదయం నీ వాత్సల్యముతో
నన్ను ఎదుర్కొందువు నీదు కరుణతో.  (2)
తరములలో ఇలా సంతోషకారణముగా
నన్నిల చేసినావు నీకే స్తోత్రము.  (2)    ||పాతవి||

నీవు నా తోడు ఉన్నావయ్యా

 “నీవు నా తోడు ఉన్నావయ్యా

నాకు భయమేల నా యేసయ్యా”
నీవు నాలోనే ఉన్నావయ్యా
నాకు దిగులేల నా మెస్సయ్యా
నాకు భయమేల నాకు దిగులేల
నాకు చింతేల నాకు భీతి ఏల. (2)  ||నీవు||

కష్టములో నష్టములో నా తోడు ఉన్నావు
వేదనలో ఆవేదనలో నా చెంత ఉన్నావు.  (2)
అడిగిన వారికి ఇచ్చేవాడవు
వెదకిన వారికి దొరికేవాడవు.  (2)
తట్టిన వారికి తలుపులు తెరిచే దేవుడవు.  (2)
దేవా దేవా నీకే స్తోత్రం.  (4)    ||నీవు||

వ్యాధులలో బాధలలో ఊరటనిచ్చావు
రక్షణలో సంరక్షకుడై ధైర్యము పంచావు.  (2)
నేనే సత్యం అన్న దేవా
నేనే మార్గం అన్న దేవా.  (2)
నేనే జీవము అని పలికిన దేవా.  (2)
దేవా దేవా నీకే స్తోత్రం. (4)    ||నీవు||