JESUS WORSHIP TELUGU SONGS

బూరధ్వని ఆకాశంలో ధ్వనియించగా మా యేసు మహారాజు వచ్చుచుండెను (2) 1. ఆ దినం మిక్కిలి సమీపం శుద్ధులు అందరు లేచెదరు     దేవుని బూర ధ్వనియించగా - దేవాది దేవుని సంధించెదము ||బూర|| 2. ఆకాశం భూమియు మారినను - శక్తిమంతున్ వాగ్ధానం మారదు     దేవునిదూతల్ ధ్వనియించగా - దేవాదిదేవుని దర్శించెదము ||బూర|| 3. కనురెప్పపాటున మారెదము - మోక్షములో అందరు చేరెదరు     కన్నీరు, దిగులు అచ్చటలేవు - దేవాదిదేవుడే వెలుగైయుండున్   ॥బూర॥

భయము లేదు - దిగులు లేదు జీవిత యాత్రలో యేసు ప్రభువు - మనతో నుండ- భయము లేదుగా హల్లెలూయ - హల్లెలూయ (2) 1. గాలి తుఫాను రేగి అలలు పొంగిన - విశ్వాస నావ మునగ కొట్టబడిన     సముద్రము పొంగి నురుగు కట్టిన     యేసు ప్రభువు మనతోనుండ - భయము లేదుగా (2)      llహల్లెలూయll 2. వ్యాధి బాధలు నన్ను ముట్టిన - అంతులేని వేదన నాకు కల్గిన     గర్జించు సింహము ఎదురు వచ్చిన     యేసు ప్రభువు మనతోనుండు - భయము లేదుగా (2)   llహల్లెలూయll 3. శత్రువున్ చూచి విస్మయమొందకు - నీతోకూడ వచ్చువాడు నీ దేవుడే     నిన్ను విడువడు ఎడబాయడు     యేసు ప్రభువు - మనతో నుండ భయము లేదుగా (2)   llహల్లెలూయll

భయపడను నేను భయపడను (2) యేసు నాతో ఉన్నందున - భయపడను నేను భయపడను 1. నూతనవత్సర కిరీటమును - దయతో నొసగిన మాదేవా     నీవు నాతో ఉన్నందున భయపడను నేను భయపడను 2. మరణ భయము నన్ను చుట్టినను - మరణ లోయలో నడిచినను     యేసు నాతో ఉన్నందున భయపడను నేను భయపడను 3. వ్యాధి బాధలు కల్గినను - వైద్యులే నన్ను విడచినను     యేసు నాతో ఉన్నందున భయపడను నేను భయపడను 4. సాతాను నను శోధించినను - హింసలెన్నో కలిగినను     యేసు నాతో ఉన్నందున భయపడను నేను భయపడను 5. వెనుక ఉన్నవి మరచెదను - ముందున్న వాటికై సాగెదను     యేసు నాతో ఉన్నందున భయపడను నేను భయపడను 6. దేవునిపైనే ఆనుకొనెదను - ఆత్మ స్వరమునే వినుచుందును     ఆత్మ నాతో ఉన్నందున భయపడను నేను భయపడను 7. ప్రవాహములు పొర్లినను - అగ్నిలో నేను నడచినను     యేసు నాతో ఉన్నందున భయపడను నేను భయపడను 8. గొల్యాతు ఎదురుగా వచ్చినను - ఘోర తుఫాను వీచినను     యేసు నాతో ఉన్నందున భయపడను నేను భయపడను

భజనచేయుచు భక్తపాలక - ప్రస్తుతింతు నీ నామమును వృజినములపై జయము నిచ్చిన - విజయుడా నిను వేడుకొందు ॥ 1. దివ్యపదవిని విడిచి నీవు - దీనుడవై పుట్టినావు     భవ్యమైన బోధలెన్నో - బాగుగా ధరనేర్పినావు ॥భజన॥ 2. నరుల గావను పరమునుండి - ధరకు నీవు వచ్చినావు     పరుడనైన నాకొరకు నీ - ప్రాణము నర్పించినావు ||భజన॥ 3. చెడినవాడనైన నన్ను - జేరదీసి బ్రోచినావు     పడిన నాదు గోతి నుండి - పైకి లేవనెత్తినావు ॥భజన॥ 4. ఎంత ప్రేమ యెంత దయ - యెంత కృప యేసయ్య నీకు     ఇంతయని వర్ణింప నిలలో - నెవనికిని సాధ్యంబు కాదు   ||భజన॥

బలమే లేదు ఓ దేవా - ఆత్మతో బలపరచు శక్తియు లేనట్టి నాకు - శక్తిని దయచేయుము 1. లేడి వంటి కాళ్ళ వలనే - నా కాళ్ళను బలపరచు     నూను కుమారుని వలెనే - ననుకూడ ధృఢపరచు        ॥బలమే॥ 2. సాతాను నెదిరించుటకును - శోధనల గెలువ బలమిమ్ము     మాయ ప్రపంచము విడువ - యేసయ్య కృపచూపుము llబలమేll

బలమిచ్చు వానిబట్టి సమస్తం చేయగలం మేము (2) హల్లెలూయా......హల్లెలూయా - మారనాత హల్లెలూయా (2) 1. జీవమిచ్చు వానిబట్టి సమస్తం చేయగలం మేము (2) 2. జయమిచ్చు వానిబట్టి సమస్తం చేయగలం మేము (2) 3. ప్రేమనిచ్చు వానిబట్టి సమస్తం చేయగలం మేము (2) 4. కృపనిచ్చు వానిబట్టి సమస్తం చేయగలం మేము (2) 5. ఆత్మనిచ్చు వానిబట్టి సమస్తం చేయగలం మేము (2) 6. శక్తినిచ్చు వానిబట్టి సమస్తం చేయగలం మేము (2)