నీ చేతితో నన్ను పట్టుకో

 “నీ చేతితో నన్ను పట్టుకో

నీ ఆత్మతో నన్ను నడుపు”
శిల్పి చేతిలో శిలను నేను
అనుక్షణము నన్ను చెక్కుము.  (2) ||నీ చేతితో||

అంధకార లోయలోన
సంచరించినా భయములేదు
నీ వాక్యం శక్తిగలది
నా త్రోవకు నిత్యవెలుగు.  (2)  ||నీ చేతితో||

ఘోరపాపిని నేను తండ్రి
పాప ఊభిలో పడియుంటిని
లేవనెత్తుము శుద్దిచేయుము
పొందనిమ్ము నీదు ప్రేమను.  (2)  ||నీ చేతితో||

ఈ భువిలో రాజు నీవే
నా హృదిలో శాంతి నీవే
కుమ్మరించుము నీదు ఆత్మను
జీవితాంతము సేవ చేసెదన్.  (2)  ||నీ చేతితో||