ఓ సంఘమా - సర్వాంగమా

ఓ సంఘమా - సర్వాంగమా పరలోక రాజ్యపు ప్రతిబింబమా
మెస్సయ్యను ఎదుర్కొనగా - నీతి నలంకరించి సిద్ధపడుమా ఓ సంఘమా వినుమా

1. రాణి ఓఫీరు అపరంజితో స్వర్ణ వివర్ణ వస్త్రధారణతో వీణా వాయిద్య
  తరంగాలలో - ప్రాణేశ్వరుని ప్రసన్నతతో ఆనందతైల
  సుగంధాభిషేకము - పొందితివా యేసు నందు ||ఓ సం||

2. క్రీస్తే నిను ప్రేమించెననీ - తన ప్రాణము - నర్పించెనని స్వస్థపరచె
  నిర్దోషముగ - ముడత కళంకము లేనిదిగా మహిమా యుక్తంబుగా
  నిలుపగోరె యేసువా - సహింతువా తీర్పునాడూ ||ఓ సం||

3. చీకటిలోనుండి వెలుగునకు లోకములో నుండి వెలుపలకు
    శ్రీకర్త గుణాతిశయములను ప్రకటించుటకే పిలచెనని
    గుర్తించుచుంటివా క్రియలను గంటివా- సజీవముగా నున్నావా ॥ఓ సం॥

4. వ్యభిచారులు - నరహంతకులు పోకిరి చేష్టలు డాంబికులు
  అబద్దజనకుని యాసనము - యెజెబెలు నీయొద్ద నివసించెనా
  కృపావరములు ఆత్మభారములు - ఉజ్జీవ దాహము కలదా ||ఓ సం||

5. చల్లగనైన వెచ్చగను - వుండిన నీకది మేలగును - నులివెచ్చని
  స్థితి నీకుండిన - బయటకు ఉమ్మివేయబడెదవేమో-నీ మనస్సు మార్చుకో
  తొలి ప్రేమకూర్చుకో - ఆసక్తితో రక్షణపొందుమా ||ఓ సం||

6. కడపటి బూర మ్రోగగనే - కనురెప్పపాటున మారుదువా
    వడిగా మేఘాసీనుడవై - నడియాకాశము పోగలవా - గొట్టెపిల్ల సంఘమా
    క్రీస్తు రాజు సంఘమా రారాజు నెదుర్కొనగలవా ||ఓ సం||