ఓ సోదరా, ఓ సోదరీ

ఓ సోదరా, ఓ సోదరీ - యేసే నిన్ను నన్ను పిలుచుచున్నాడు
నిదురమాను మగతవీడు కన్ను విప్పి కలియచూడు (2)

1. యెరూషలేము గుమ్మములు కాలిపోతున్నవి-ప్రాకారపు గోడలు కూలిపోతున్నవి.
    ప్రార్ధనాయుధముతో పునరుత్థాన శక్తితో పునఃనిర్మాణం చేతము రండి

2. నిరాశ నిస్పృహలు ఎదురు నిలచిన- నిందలెన్ని మబ్బులుగ మనల క్రమ్మిన
  నిలిచెదం యేసుతో నడిచెదం దీక్షతో- నిరీక్షణ బలముతో సాగిపోదము

3. అపవాది బాణములు ఎన్ని విసిరిన  అగ్నిగంధకముల వానచుట్టు ముసిరిన
అదరము బెదరము - అరికి మనము వెరువము
అన్న యేసు సన్నిధిలో లేదిక భయము II ఓ సోదరా!|

4. సంఘమనగ క్రీస్తుయేసు దేహమే కదా - చావును ఓడించినదీ దేహమే కదా
సిలువ తేజస్సుతో కరుణమూర్తి మనస్సుతో
సిరులు విరియు జీవితాలు నిర్మిద్దాము II ఓ సోదరా!||

5. యేసే ఈ సంఘమునకు అసలు పునాది యేసే ఈ
    జగత్తునకు ఆశాజ్యోతి యేసే ఆరంభము ఆయనే అంతము
    యేసే మన జీవితాల నవ వసంతము (2) ॥ఓ సోదరా II

6. సాక్ష్యమిచ్చు సంఘమే - జీవించే సంఘము జీవించే సంఘమే
    సాక్ష్యమిచ్చు సంఘము సాక్ష్యము విశ్వాసము సత్యము
    సహవాసము సిలువ చలువ పందిరిలో వర్ధిల్లాలి (2) ||ఓ సోదరా|| 

7. శాంతి ధ్వజము మన ముందు నడుచుచుండగా సిలువ
  జ్యోతి మార్గమును చూపుచుండగ సాగనీ ఉద్యమం ఆగదు ఈ రధం
  యేసు రాజు సామ్రాజ్యం నిలుచును నిరతం (2) ॥ఓ సోదరా||

8. విజయమంత నిజముగ యేసు ప్రభునిదే కుజనుడైన సాతాను
    ఓడిపోవులే సృజనాత్మక శక్తితో సిలువత్యాగస్ఫూర్తితో
    స్వార్ధరహిత సేవలను సాగిద్దాము (2) ॥ఓ సోదరా||