ప్రేమామృత ధారలు చిందిన - మన యేసుకు

1. ప్రేమామృత ధారలు చిందిన - మన యేసుకు - సమమెవరు? ఆ..... ఆ....
    ప్రేమయే తానై నిలిచి - ప్రేమోక్తులనే పలికి
    ప్రేమతో ప్రాణము బెట్టి - ప్రేమనగరికి చనియె ఆ........         ||ప్రేమా||

2. నిశ్చలమైన ప్రేమజీవికి - ఇలలో తావేది? ఆ....ఆ.....
    ప్రేమ ద్రోహులేగాని - ప్రియమున చేరరు వాని
    చేరిన చెలికాడగురా - సమయమిదే పరుగిడరా  ఆ....ఆ....    ||ప్రేమా||

3. ఎంత ఘోర పాపాత్ములనైన - ప్రేమించును రా రా
    పాపభారముతో రారా - పాదములపై బడరా
    పాపుల రక్షకుడేసు - తప్పక నిను రక్షించు  ఆ..... ఆ... .     ||ప్రేమా||

4. ఇంత గొప్ప రక్షణను - నిర్లక్ష్యము చేసేదరేల
    రక్షణ దిన మిదియేరా - తక్షణమే కనుగొనురా
    ఇదియే దేవుని వరము - ముదమారగ చేకొనుము   ఆ... ఆ...||ప్రేమా||