నీ నీతిలో నేను నిలవాలని

నీ నీతిలో నేను నిలవాలని - నీ ప్రేమలో నేను ఎదగాలని (2)
ఆశించినాను ఆత్మస్వరూపా కరుణింపవా నన్ను కలుషాపహరుడా (2)

1. మరణాంధ కారములో నివసించినా నన్ను
    నీ ప్రేమ హస్తముతో దీవించినావు (2) నీ తోటలోన ద్రాక్షవల్లిగా
    ఫలియింప జేయుము జీవాత్మఫలము (2)

2. సాతాను శోధనలు విడిపించినావు - సంపూర్ణ స్వస్థతను దయచేసినావు (2)   
    వెలలేని నీ ప్రేమ కేమియ్యగలను - ప్రతిచోట సాక్షినై జీవింతు ప్రభువా (2)