ప్రియుడ నీ ప్రేమపాదముల్ చేరితి

ప్రియుడ నీ ప్రేమపాదముల్ చేరితి నెమ్మది నెమ్మదియే (2)
ఆసక్తితో నిన్ను పాడి స్తుతించెద ఆనందమానందమే
ఆశ్చర్యమే ఆశ్చర్యమే ఆరాధన ఆరాధన (2)

1. నీ శక్తి కార్యముల్ తలచి తలచి ఉల్లముప్పొంగెనయ్యా
    మంచివాడ మంచిచేయువాడ స్తోత్రము స్తోత్రమయా
    మంచివాడ మహోన్నతుడా ఆరాధనా ఆరాధనా (2)

2. బలియైన గొర్రెగా మా పాపమంతటిని మోసి తీర్చితివే
    పరిశుద్ధ రక్తము నాకొరకే నయ్యా నాకెంతో భాగ్యమయా
    పరిశుద్ధుడా పరమాత్ముడా ఆరాధన ఆరాధనా (2)

3. ఎన్నెన్నో ఇక్కట్లు బ్రతుకులో వచ్చిన నిన్ను నే విడువనయ్యా
    రక్తము చిందించి సాక్షిగ ఉందున్ నిశ్చయం నిశ్చయమే
    రక్షకుడా యేసునాధా ఆరాధనా ఆరాధనా (2)