మహాఘనుడా మహోన్నతా నీ నామము

మహాఘనుడా మహోన్నతా నీ నామము ఎంతో ప్రియము
మా యేసయ్యా మా మంచి దేవా నీ నామము కొనియాడెదము  ॥మహా॥

1. ఎన్నెన్నో మారులు చంచలుడనై - నీ మార్గం తప్పి నే తిరిగినను
  ఎన్నడైనను నన్ను విడువక - ఎడబాయని కృప చూపి ప్రేమించితివే
  అందుకే అందుకే నీ ప్రేమను తలపోసి కీర్తించెదను
  అందుకే అందుకే నీ ప్రేమకై ఇల జీవించెదను    ॥మహాll

2. పాపినని నన్ను దండించక - నీచుడనని నన్ను నిందించక
  దోషుండనని నన్ను దూరపరచక - చేరదీసి నన్ను ప్రేమించితివే
  అందుకే అందుకే నీ కొరకే నేను జీవించెదను
  అందుకే అందుకే నీ మార్గములందు నే నడచెదను  ॥మహాll