నా ప్రాణ ప్రియుడా యేసురాజా

నా ప్రాణ ప్రియుడా యేసురాజా అర్పింతును నా హృదయార్పణ

విరిగి నలిగిన ఆత్మతోను - హృదయపూర్వక ఆరాధనతో - సత్యముగా

1. అద్భుతకరుడా  ఆలోచన - ఆశ్చర్య సమాధాన ప్రభువా

  బలవంతుడా బహు ప్రియుడా - మనోహరుడా మహిమరాజా - స్తుతించెదన్ ॥నా॥

2. విమోచన గానములతో - సౌందర్య ప్రేమ స్తుతులతో
    నమస్కరించి ఆరాధింతున్ - హర్షింతును నే పాడెదను - నా ప్రభువా ॥నా॥

3. రక్షణలంకారములను - అక్షయమగు నీ ఆహారమున్
    రక్షకుడా నా కొసగితివి - దీక్షతో నిన్ను వీక్షించుచు స్తుతించెదన్   ॥నా॥

4. గర్భమున పుట్టిన బిడ్డను - కరుణింపక తల్లి మరచునా
మరచిన గాని నీ వెన్నడు - మరువవు విడువవు ఎడబాయవు - కరుణరాజా ॥నా॥

5. నీ నీతిని నీ రక్షణను - నా పెదవులు ప్రకటించును
    కృతజ్ఞతా స్తుతులతోడ - నీ ప్రేమను - నే వివరింతును - విమోచకా ॥నా॥

6. వాగ్దానముల్ నాలో నెరవేరెన్ - విమోచించి నా కిచ్చితివే
    పాడెదను ప్రహర్షింతును - హల్లెలూయా హల్లెలూయా - హల్లెలూయ ॥నా॥