ప్రభు ప్రేమ తొలికేక

ప్రభు ప్రేమ తొలికేక - హృదయములో ప్రతిధ్వనియించే
పాపక్షమ యేసునిలో - శరణునొసంగుచు కనిపించె    ||ప్రభు||

1. పాపవికారము పొడసూప - జీవిత విలువలు మరుగాయె
    పతితనుగా లోకములో - బ్రతుకుటయే నాగతి యాయె
  పలువురిలో కనబడలేక - దాహముతో నే నొంటరిగా
  బావి కని పయనింప - నాధుని దర్శన మెదురాయె
  పావనుడు దాహముతో - జలమును యిమ్మని ననుగోరె. ||ప్రభు||

2. జాతిని చూడని నేత్రముతో - పాపముసోకని హృదయముతో
    జాలిని చాటించుచునే - తాకెను నా మది వేదనతో
  జాప్యము చేయక తెమ్మనియే - దాచుకొనిన నా పాపమును
  జడియుచునే తెలిపితిని - ప్రభు వెరిగిన నా నిజస్థితిని
  జయమొందె నా తనువు - సరిగ నుడితివని ప్రభు దెలుప. ||ప్రభు||

3. దేహమునే నా సర్వముగా - భావించుచు మది పూజింప
    దినదినము జీవితము - చావుగ మారిన కాలములో
    దేవునిగానా బంధువుగా - మరణ బంధములు ఛేదించి
  దరిజేర్చి దీవించి - నూతన జన్మ ప్రసాదించె

దెయ్యాల కుహరమును - స్తుతి మందిరముగ రూపించ llప్రభు||

4. పాపము దాగొను నా బావి - లోతును యెరిగినవారెవరు
  పోరాట వాటిక యౌ - నా బ్రతుకును జూచినదెవరు
  పాపికిని పాపమునకును - భేదము జూపిన వారెవరు
  పాపిని కాపాడుటకై - సిలువ భరించిన వారెవరు
పరదైసు ద్వారములు - ప్రేమతో తెరిచెను నా కొరకై. |ప్రభు||

5. ఘటముతో వెడలితి నొంటరిగా - పితరులు ద్రావిన జలములకై
    కనబడెను బావి కడ - రక్షణ యూటల ప్రభుయేసు
    కుండను వీడి పరుగిడితి - బావిని జేకొని హృదయములో
    ఘనమైన శుభవార్త - ఆతృతతో ప్రజలకు దెలుప కనుగొనిరి గ్రామ

ప్రజల్ - విశ్వవిమోచకుడగు యేసున్ llప్రభు||