నావన్ని యంగీకరించుమీ - దేవా - నన్నెపుడు

నావన్ని యంగీకరించుమీ - దేవా - నన్నెపుడు నీవు కరుణించుమీ =
నావన్ని కృపచేత - నీ వలన నొందిన - భావంబునను నేను - బహు ధైర్యమొందెద

1. నీకు నా ప్రాణము - నిజముగా నర్పించి =
    నీకు మీదుగట్టి - నీకొరకు నిల్పెద      ॥నావన్ని॥

2. సత్యంబు నీ ప్రేమ - చక్కగా మదిబూని =
    నిత్యంబు గరముల - నీ సేవ జేసెద    ॥నావన్ని॥

3. నీ సేవ జరిగెడు - నీయాలయమునకు =
    నాసచే నడిపించు - మరల నా పదములు      ॥నావన్ని॥

4. పెదవులతో నేను - బెంపుగ నీ వార్త =
    గదలక ప్రకటింప - గలిగించు దృడభక్తి         ॥నావన్ని॥

5. నా వెండి కనకంబు - నా తండ్రి గైకొనుమీ =
    యావంతయైనను - నాశింప మదిలోన      ॥నావన్ని॥

6. నీవు నాకొసగిన - నిర్మల బుద్ధిచే =
    సేవ జేయగ నిమ్ము - స్ధిర భక్తితో నీకు        ॥నావన్ని॥

7. చిత్తము నీ కృపా - యత్తంబు గావించి =
    మత్తిల్లకుండగ – మార్గంబు దెలుపుము      ॥నావన్ని॥

8. హృదయంబు నీకిత్తు - సదనంబుగావించి =
    పదిలంబుగా దాని - బట్టి కాపాడుము        ॥నావన్ని॥