భజనచేయుచు భక్తపాలక - ప్రస్తుతింతు నీ నామమును
భజనచేయుచు భక్తపాలక - ప్రస్తుతింతు నీ నామమును
వృజినములపై జయము నిచ్చిన - విజయుడా నిను వేడుకొందు ॥
1. దివ్యపదవిని విడిచి నీవు - దీనుడవై పుట్టినావు
భవ్యమైన బోధలెన్నో - బాగుగా ధరనేర్పినావు ॥భజన॥
2. నరుల గావను పరమునుండి - ధరకు నీవు వచ్చినావు
పరుడనైన నాకొరకు నీ - ప్రాణము నర్పించినావు ||భజన॥
3. చెడినవాడనైన నన్ను - జేరదీసి బ్రోచినావు
పడిన నాదు గోతి నుండి - పైకి లేవనెత్తినావు ॥భజన॥
4. ఎంత ప్రేమ యెంత దయ - యెంత కృప యేసయ్య నీకు
ఇంతయని వర్ణింప నిలలో - నెవనికిని సాధ్యంబు కాదు ||భజన॥
Comments
Post a Comment