నాదు జీవితము మారిపోయినది

నాదు జీవితము మారిపోయినది- నిన్నాశ్రయించిన వేళ నన్నాదుకొంటివి ప్రభువా

1. చాలునయ్యా దేవా ఈ జన్మధన్యమే ప్రభువా

  పాపకూపము విడిచి నీదారి నడిచితి దేవా- నిన్నాశ్రయించితి ప్రభువా  ||నాదు||

2. కన్నుగానని దిశగా బహుదూర మేగితినయ్యా
  నీ ప్రేమ వాక్యము వినగా నా కళ్లు కరిగెను దేవా - నిన్నాశ్రయించితి ప్రభువా ||నాదు||

3. లోకమంతా విషమై నరకాగ్ని జ్వాలలు రేగే
    ఆ దారి నడవక నన్ను కాపాడి నావని దేవా - నిన్నాశ్రయించితి ప్రభువా  ||నాదు||

4. జాలిగల నా దేవా నీ చేయి చాపవా ప్రభువా
    చేరగ నీ దరికి నే పాపినయ్యా ప్రభువా - నే పాపినయ్యా ప్రభువా ॥నాదు||

5. ఆరిపోని జ్యోతివై కన్నులలోని కాంతివై
  ఎంతకాలముంటివి ఎంతగా ప్రేమించితివి - నన్నెంతగా ప్రేమించితివి  ||నాదు||