ప్రేమ యేసుని ప్రేమ - అది ఎవ్వరు కొలువలేనిది

ప్రేమ యేసుని ప్రేమ - అది ఎవ్వరు కొలువలేనిది
నిజము - దీనిని నమ్ము - ఇది భువి యందించలేనిది

అ.ప. ॥ ఎన్నడెన్నడు మారనిది నా యేసుని దివ్యప్రేమ
            ఎన్నడు వీడనిది నా యేసుని నిత్యప్రేమ ॥

1. తల్లిదండ్రుల ప్రేమ - నీడవలె గతియించును
    కన్నబిడ్డల ప్రేమ - కలలా కరిగిపోవును ||ప్రేమ||

2. బంధు మిత్రుల ప్రేమ - వెలుగుచున్న ప్రేమ దీపమే
    నూనె ఉన్నంతకాలమే - వెలుగునిచ్చి ఆరిపోవును ||ప్రేమ||

3. భార్యాభర్తల మధ్య - వికసించిన ప్రేమ పుష్పము
    వాడిపోయి రాలును త్వరలో - మోడులా మిగిలిపోవును   ||ప్రేమ||

4. ధరణిలోని ప్రేమలన్నియు - స్థిరముకావు తరగిపోవును
    క్రీస్తు యేసు కల్వరి ప్రేమ కడవరకు ఆదరించును ||ప్రేమ||