క్రుమ్మరించుము - దేవా క్రుమ్మరించుము

క్రుమ్మరించుము - దేవా క్రుమ్మరించుము - ఆత్మ క్రుమ్మరించుము
ఆది అపోస్తలుల - మీదికి దిగివచ్చినట్లు దిగనిమ్ము

1. ఆకాశం భూమియు గతియించినను - నీ మాటల్ గతియింపవు నిరంతరము     

    నిరంతరము నీ వాగ్దానముల్ చేపట్టి - స్వతంత్రించుకొందుమయా ॥క్రుమ్మ॥

2. నా ఆత్మదాహం తీర్చు ప్రభువా - నీ జీవజలములతో నింపుమయా

  నింపుమయా నా హృదయమును నీ జీవవాక్యంతో సమృద్ధిగా ॥క్రుమ్మ॥

3. ఇశ్రాయేలీయుల స్తోత్రములపై - ఆసీనుడగువాడా కనికరించు

    కనికరించి ఉజ్జీవమును - బలముగ ధరణిపై పంపుమయా        ॥క్రుమ్మ॥

4. శక్తితో కాదని - బలముతో కాదని - నా ఆత్మద్వారానే జరుగుననెన్

    ఈ కడవరి మందిరపు మహిమ - మునుపటి మందిరము మించుననెన్ ॥క్రుమ్మ॥

5. ప్రార్థన పరులను బోధకులను - ప్రవక్తలను ఇలలో లేపుమయా

    లేపుమయా నెహెమ్యాలను - నోవహు దానియేలు పౌలు లను ॥క్రుమ్మ॥