క్రైస్తవ కర్షకా కదలిరావయ్యా

క్రైస్తవ కర్షకా కదలిరావయ్యా - కన్నులు తెరచి కానవేమయ్యా
కోతకాలము గడిచిపోయే - గ్రీష్మకాలము కూడ జరిగిపోయె ||క్రైస్తవ||
1. మనుష్య కుమారుడైన క్రీస్తుయేసు - మంచి విత్తనమును విత్తేమున్ను    

    భూలోకంబునెడు పొలంబునందున - వాక్యంబనే విత్తనంబు విత్తెను

2. ఆదిమ క్రైస్తవ బోధకులు - వేదనతోను వాక్యంబు విత్తి

    రోదనతోను రక్తంబును కార్చి ప్రాణంబులను దానంబు చేసిరి

3. చల్లిన వాక్యము ఫలియింపను - తొలకరి వర్షము కురిపించెను

    విలువైన ఫలములు ఫలియించువరకు - కడవరి వర్షము కొరకు వేడుదం
4. పొలములు తెల్లబారె తేరిచూడు - కాలము చాలగతించిపోయె

    కోత యజమానుడైన క్రీస్తుని - కోతవారిని బంప కోరి వేడుదం

5. శత్రువగు సాతానుకూడా - చెడ్డ విత్తనములు చల్లిపోయె

  గోధుమల మధ్య గురుగులు కూడ - ఘోరంబుగాను పెరుగుచుండెను

6. కన్నీళ్ళతో విత్తు క్రైస్తవుండ - కలవర మొందెద వెందులకు

    సంతోషముతో సంగీతాలతోను - సాగిపోవుదం ఆగిపోకను

7. ప్రతివాని జీతము - పట్టుకొని ప్రభుయేసు త్వరగా వచ్చుచుండె

  ఆనంద భాష్పాలు - ఆయనే తుడువన్ హల్లెలూయయని ఆనందించెదం