కలుగునుగాక - దేవునికి మహిమ
కలుగునుగాక - దేవునికి మహిమ - కలుగునుగాక
కలుగు నున్నతమైన - ఘన స్థలములందున
నిలకు సమాధానం నరుల కాయన దయ
1. ప్రభువైన దేవా - పరమరాజా - సర్వపరిపాలా
పరిపూర్ణ శక్తిగల - పరమ జనక నిన్ను-
మహిని స్తుతించుచు - మరి పొగడుచున్నాము ||కలుగు||
2. మహిమ పర్చుచు - ఆరాధించు చున్నాము నిన్ను
మహిమాతిశయమును - మది దలంచియు నీకు -
మహిని మా స్తుతి కృత-జ్ఞత నిచ్చుచున్నాము ||కలుగు||
3. ఏక కుమారా - యేసు ప్రభువా - యెహోవా తనయా
లోక పాపము మోయు - ఏక దేవుని గొట్టె-పిల్ల
మమ్మును కనికరించుము చల్లగ ||కలుగు||
4. లోక పాపములు - మోయుచు బోవు - యేసు రక్షకా
వాసిగ జనకుని - కుడివైపున గూర్చుండి - యేసూ మా
ప్రార్థన నా-లించి కనికరించు ||కలుగు||
5. పరిశుద్ధుడవు - ప్రభుడవు నీవో - ప్రభువైన క్రీస్తూ
పరిశుద్ధాత్మతో తండ్రి - యైన దేవునియందు బరిపూర్ణ
మహిమతో - ప్రబలుచున్నా వామేన్ ||కలుగు||
Comments
Post a Comment