కోరుదును నేను - నా యేసు పాదములు

కోరుదును నేను - నా యేసు పాదములు
నా యేసు పాద విశేషము - వర్ణనాతీతం

1. సత్య వార్తను చాటుటకు నా - ప్రభుని పాదములు

    పరుగులెత్తెను భువియందంతట - పరము చేర్చుటకు llకోరుll

2. గ్రుడ్డి, చెవిటి మూగవారిని - స్వస్థపరచుటకు

    వారి లోపముల్ తీర్చుటకును - పరుగులెత్తిన పాదములు llకోరుll 

3. కుష్టులను శుద్ధులుగ జేయన్ - సంచరించినవి

    మృతులను సజీవులనుగ - లేప వెళ్ళిన పాదములు llకోరుll

4. నేలపైన నడచిన రీతిగ - సంద్రముపై నడచెన్

    శిష్యబృందము నేర్పరచను - దరికి వెళ్ళిన పాదములు llకోరుll

5. పర్వతారణ్యములలో - ప్రార్ధనలు సలుపన్

    పరమ ఉపదేశములు చేయున్ - వెళ్ళిన రమ్యపాదములు llకోరుll

6. సిలువ మోయుచు కల్వరిగిరికి - వెళ్ళిన పాదములు

    సాతాను తల చితుక ద్రొక్కిన - సిలువ వేసిన పాదములు llకోరుll