దేవుని ప్రేమ యిదిగో

దేవుని ప్రేమ యిదిగో - జనులార - భావంబునం దెలియరే = కేవలము నమ్ముకొనిన - పరలోక జీవంబు మన కబ్బును

1. సర్వలోకము మనలను - తన వాక్య-సత్యంబుతో జేసెను=
  సర్వోపకారు డుండే - మన మీద - జాలిపరుడై యుండెను ll దేవుని ll

2. మానవుల రక్షింపను - దేవుండు - తన కుమారుని బంపెను=
  మన శరీరము దాల్చెను - ఆ ప్రభువు - మన పాపముకు దూరుడే ll దేవుని ll 

3. యేసుక్రీస్తను పేరున - రక్షకుడు వెలసి నాడిలలోపల =
    దోసకారి జనులతో - నెంతో సు-భాషలను బల్కినాడు ll దేవుని ll

4. పాపభారంబు తోడ - నే ప్రొద్దు -  ప్రయాసముల బొందెడి =
  పాపులందఱు నమ్మిన - విశ్రాంతి పరిపూర్ణమిత్తు ననెను ||దేవుని||

5. సతులైన పురుషులైనన్ -  యా కర్త సర్వ జనుల యెడలను =
  సత్ప్రేమగ నడిచెను - పరలోక సద్బోధలిక జేసెను ||దేవుని॥

 6. చావు నొందిన కొందరిన్ - యేసుండు - చక్కగా బ్రతికించెను =
    సకల వ్యాధుల రోగులు - ప్రభునంటి - స్వస్థంబు తామొందిరి ||దేవుని||

7. గాలి సంద్రపు పొంగులన్ - సద్దణపి - నీళ్లపై నడచినాడే =
  మేలు గల యద్భుతములు - ఈలాగు వేలకొలదిగ జేసెను ||దేవుని||

8. చేతుల కాళ్లలోను - రారాజు - చేర మేకులు బొందెను =
    పాతకులు గొట్టినారే - పరిశుద్ధ - నీతి తా మోర్వలేకన్ ॥దేవుని||

9. ఒడలు రక్తము గారగ - దెబ్బలు - చెడుగు అందరు గొట్టిరి =
  వడిముళ్లు తలమీదను - బెట్టిరి ఓర్చెనో  రక్షకుండు   ||దేవుని||

10. ఇన్ని బాధలు బెట్టుచు - దను జంపు - చున్న పాప పాప నరులను =
      మన్నించు మని తండ్రిని  -  యేసుడు సన్నుతితో వేడెను   ll దేవుని ll

11. రక్షకుడు శ్రమ బొందగా - దేశంబు తక్షణము చీక టయ్యెస్ =
    రక్షకుడు మృతి నొందగ - తెర చినిగి  - రాతి కొండలు పగిలెను ||దేవుని||

12. రాతి సమాధిలోను - రక్షకుని నీతిగల దేహంబును =
    పాతి పెట్టిరి భక్తులు - నమ్మిన - నాతు లందరు జూడగా ||దేవుని॥

13. మూడవ దినమందున - యేసుండు -  మృతి గెల్చి లేచినాడు=
    నాడు నమ్మిన మనుజులు - చూచిరి - నలువది దినములందున్ ||దేవుని||

14. పదునొకండు మారులు - వారలకు - బ్రత్యక్షు డాయె నేసు=
      పరలోకమున కేగెను - తన వార్త- బ్రకటించుమని పల్కెను ||దేవుని॥

15. నమ్మి బాప్తిస్మమొందు  - నరులకు - రక్షణ మరి కల్గును =
    నమ్మనొల్లక పోయెడు - నరులకు నరకంబు సిద్ధమనెను ||దేవుని||