దేవునికి స్తోత్రము గానము

దేవునికి స్తోత్రము గానము - చేయుటయే మంచిది
మనమందరము స్తుతిగానము చేయుటయే మంచిది. ll దేవు॥

1. యెరుషలేము యెహోవాయే - కట్టుచున్నవాడని
    ఇశ్రాయేలీయులను - పోగుచేయువాడని ll దేవు॥

2. గుండె చెదరినవారిని బాగుచేయువాడని
    వారి గాయములన్నియు - కట్టుచున్నవాడని ll దేవు॥

3. నక్షత్రముల సంఖ్యను - ఆయనే నియమించెను
    వాటికన్నియు పేరులు – పెట్టుచున్నవాడని ll దేవు॥

4. ప్రభువు గొప్పవాడును అధిక శక్తిసంపన్నుడు
    జ్ఞానమునకు ఆయనే - మితియు లేనివాడని ll దేవు॥

5. దీనులకు అండాయనే - భక్తిహీనుల కూల్చును
    సితారాతో దేవుని - స్తుతులతో కీర్తించుడి ll దేవు॥

6. ఆయన ఆకాశమున్ - మేఘములతో కప్పును
భూమి కొరకు వర్షము - సిద్ధపరచువాడని ll దేవు॥

7. పర్వతములలో గడ్డిని -  పశువులకు మొలిపించెను
అరచు పిల్లకాకులకును ఆహారము తానీయును ll దేవు॥

8. గుర్రముల నరులందలి -  బలము నానందించడు
  కృపకు వేడువారిలో - సంతసించువాడని ll దేవు॥

9. యెరూషలేము యెహోవాను -  సీయోను నీ దేవుని

    కీర్తించుము కొనియాడుము ఆనందించువాడని ll దేవు॥ 

10. పిల్లల నాశీర్వదించియు - బలపరచె నీ గుమ్మముల్
      మంచి గోధుమ పంటతో - నిన్ను తృప్తిగ నుంచును ll దేవు॥

11. భూమికి తన యాజ్ఞను -  ఇచ్చువాడు ఆయనే
    వేగముగను దేవుని - వాక్యము పరుగెత్తును ll దేవు॥

12. వాక్యమును యాకోబుకు -  తెలియజేసినవాడని
      ఏ జనము కీలాగున -  చేసియుండలేదని ll దేవు॥