ఎంత జాలి యేసువా

ఎంత జాలి యేసువా - ఇంతయని యూహించలేను ||ఎంత॥

1. హానికరుడ హింసకుడను - దేవ దూషకుడను నేను
    అవిశ్వాసినైన నన్ను - ఆదరించినావుగా ॥ఎంత॥

2. రక్షకుండ నాకు బదులు - శిక్ష ననుభవించినావు
    సిలువ యందు సొమ్మసిల్లి చావొందితివి నాకై ||ఎంత॥ 

3. ఏమి నీ కర్పించగలను ఏమి లేనివాడనయ్యా
  రక్షణపు పాత్ర నెత్తి - స్తోత్ర మంచు పాడెద ||ఎంత॥ 

4. నీదు నామమునకు ఇలలో- భయపడెడి వారి కొరకై
    నాధుడా నీవిచ్చు మేలు - యెంత గొప్ప యేసువా ॥ఎంత॥

5. నేను బ్రతుకు దినములన్ని - క్షేమమెల్ల వేళలందు
    నిశ్చయముగ నీవు నాకు - ఇచ్చువాడా ప్రభువా ||ఎంత॥