జీవించుచున్నాడు యేసుప్రభూ
జీవించుచున్నాడు యేసుప్రభూ - నా హృదయములో నున్నాడు
కష్టములలో నా సహాయుడై - నిత్యము జీవించును ||జీవి||
1. మాటచే సాగరము పాయలైపోయె - కోట గోడలు కూలి మట్టమైనవి
గ్రుడ్డివాడు దృష్టిపొందె ప్రభు మాటచే - కుష్ఠరోగి శుద్ధుడాయె ప్రభు ముట్టగా ॥జీవి॥
2. మాటచే నీళ్ళను రసముగ మార్చ - మాటచే సూచక క్రియలు జరిగె
మాటచే సముద్రము పొంగు అణిగెన్ - మాటచే తుఫాను ఆపబడెను ॥జీవిll
3. సుఖారి పురమున సమరయ స్త్రీ - పాపము విడిచెను ప్రభు మాటచే
పాపముల్ క్షమించబడే యేసు మాటచే - సిలువపై దొంగ రక్షింపబడెను ॥జీవిll
4. దేవాలయపు తెర క్రింద వరకు - రెండుగ చినిగెను ప్రభు కేకచే
భూమి వణికి బండలు బ్రద్దలాయె - సమాధుల్ తెరవబడె యేసు మాటచే ॥జీవి॥
5. నన్ను వదలక పట్టుకొనుము - నిన్ను విడువక వెంబడింతును
మరణించు వేళ పరలోకపు - ఇంటికి నడుపు విమోచకుడా ॥జీవి॥
Comments
Post a Comment