జై జై యేసురాజ జై జై

జై జై యేసురాజ జై జై - రాజాధిరాజ నీకే జై జై ll జై ll

1. పాపకూపములోబడియున్న - నన్ను జూచి
    చేయి జాచి చక్కగా దరికి జేర్చితివి ll జై ll

2. సిలువ రక్తములో నన్ను కడిగి -  పాపమంతా
  పరిహరించిన - పావనుడగు నా ప్రభు యేసు ll జై ll

3. నీతిహీనుడనైన నాకు - నీతి రక్షణ వస్త్రములను
    ప్రీతితో నొసగిన నీతిరాజ ll జై ll

4. మంటిపురుగునైన నన్ను -  మంటినుండి మింట
    జేర్చిన - మహాప్రభుండా నీకే జై జై ll జై ll

5. పాపశాపగ్రస్తుడనై యుండ - నన్ను గూడ నీస్వకీయ
    సంపాద్యముగ మార్చితివి ll జై ll

6 రాజులైన యాజకగుంపులో -  నన్నుగూడ నీ సొతైన
  పరిశుద్ధ జనములో జేర్చితివి ll జై ll

7. తల్లియైన మరచిన మరచును  - నేను నిన్ను
    మరవననిన నమ్మకమైన నా ప్రభువా ll జై ll

8. అధిక స్తోత్రార్హుడవైన -  ఆది అంతములేని స్వామి
    యుగయుగములకు నీకే జై జై ll జై ll