దేవా మా కుటుంబము నీ సేవకే

దేవా మా కుటుంబము నీ సేవకే అంకితము
ఈ శాప లోకాన నీ సాక్షులుగా నిలువ -  నీ ఆత్మతో నింపుమా  (2)

1. కాపరి మా యేసు ప్రభువే కొదువేమి లేదు మాకు
  మాకేమి భయము మాకేమి దిగులు
  నీకే వందనములయ్యా లోబడి జీవింతుము-లోపంబులు సవరించుము
  లోకాశలు వీడి లోకంబులోన నీ మందగా వుందుము

2. ఏ కీడు రాకుండగా కాపాడుము మా పిల్లలను
    లోక వ్యసనముల తాకుడు లేకుండా
    దాచుము నీ చేతులలో ఓలీవ మొక్కల వలెను ద్రాక్ష తీగలను పోలి
    ఫల సంపదలతోను కలకాలం జీవించ కురిపించుము నీ దీవెనలని

3. సమృద్ధి జీవంబును సమృద్ధిగా మాకిమ్ము - నెమ్మది గల ఇల్లు నిమ్మళమగు మనస్సు          ఇమ్మహిలో మాకిమ్మయ్య ఇమ్ముగా దయచేయుము గిన్నె నిండిన అనుభవము
ఎన్నో కుటుంబాల ధన్యులుగా చేయంగా- మమ్ములను బలపరచుము

4. పెంపారజేయుము మాలో సొంపుగా నీ ఘన ప్రేమన్
నింపుము హృదయముల శాంతి భాగ్యములతో
సంతసంబుగా సాగెదము వింతైన నీ ప్రేమను అంతటా ప్రకటింతుము
కొంతకాలమే మేము ఉందుము లోకానా చెంత జేరగా కోరెదము