చూడుము గెత్సేమనే

చూడుము గెత్సేమనే - తోటలో నా ప్రభువు
పాపి నాకై విజ్ఞాపన చేసెడి  -  ధ్వని వినబడుచున్నది

1. దేహమంతయు నలిగి -  శోకము చెందినవాడై - దేవాది
    దేవుని ఏక సుతుడు పడు -  వేదనలు నా కొరకే ॥చూడుll

2. తండ్రి ఈ పాత్ర తొలగన్ -  నీ చిత్తమైన యెడల
  ఎట్లయినను నీ చిత్తము చేయుటకు నన్నప్పగించితి వనెను ॥చూడుll

3. రక్తపు చెమట వలన -  మిక్కలి బాధనొంది రక్షకుడేసు
    హృదయము పగులగ -  విజ్ఞాపనము చేసెనే ॥చూడుll

4. ముమ్మారు భూమి మీద -  పడి మిక్కిలి వేదనచే
  మన యేసుప్రభువు తానే వేడుకొనెను -  పాపుల విమోచన కొరకే ॥చూడుll

5. ప్రేమతో కూడిన వాక్కులచే -  ఆవరించెడి ప్రభువు
వేదన సమయమున ఆదరించువారు  -  లేక బాధ నొందెను ॥చూడు॥

6. నిన్ను తన వలె మార్చెడి -  ఈ మహా ప్రేమను
  తలచి తలచి హృదయము కరుగగా -  నే సదా కీర్తించెదను  ॥చూడు॥