దేవుడు మనకు ఎల్లప్పుడు

దేవుడు మనకు ఎల్లప్పుడు - తోడుగ నున్నాడు (3)

1. ఏదేనులో ఆదాముతో నుండెన్ -  హానోకు తోడ నేగెను
    దీర్ఘ దర్శకులతో నుండెన్ - ధన్యులు దేవుని గలవారు (2) ||తోడు||

2. దైవాజ్ఞను శిరసావహించి -  దివ్యముగ నబ్రాహాము
    కన్న కొమరుని ఖండించుటకు - ఖడ్గమునెత్తిన యపుడు ||తోడు||

3. యోసేపు ద్వేషించబడినపుడు -  గోతిలో త్రోయబడినపుడు
  శోధనలో చెఱసాలయందు -  సింహాసన మెక్కిన యపుడు ||తోడు||

4. ఫరోరాజు తరిమిన యపుడు -  ఎర్రసముద్రపు తీరమున
    యోర్దాను నది దాటునపుడు -  ఎరికో కూలిన యపుడు ||తోడు||

5. దావీదు సింహము నెదిరించి -  ధైర్యాన చీల్చిన యపుడు
  గొల్యాతును హతమార్చిన యపుడు -  సౌలుచే తరమబడినపుడు ||తోడు||

6. సింహపు బోనులో దానియేలు -  షద్రకు మేషాక బెద్నగో
  అగ్నిగుండములో వేయబడన్ - నల్గురుగా కనబడినపుడు ||తోడు||

7. పౌలు బంధించబడినపుడు -  పేతురు చెఱలో నున్నపుడు
    అపోస్తలులు విశ్వాసులు -  హింసించబడిన యపుడు ||తోడు||