ఆశ్చర్యమే మహాద్భుతమే

ఆశ్చర్యమే మహాద్భుతమే - ఆనంద సాగరము
    ఎవరు మారినను మారనివాడు- నేడు నిరంతరము నా ప్రభువు

1. శోధనలు ప్రవాహమువలె పెరిగి ప్రాణాన్ని కృంగజేయును
    క్రీస్తేసే బండయై నా పాదములకు ఆధారమాయెనుగా  llఆశ్చll

2. బేధములు పలు విమతములు పెను గాలివలె వీచగా విశ్వాస 

    నావను గురి తప్పనీయక యేసే లంగరాయెను  llఆశ్చll

3. నే నమ్మినవాడు తన నేత్రములను - నా మీదనే నిలిపి

నిరీక్షణతోను మహా ధైర్యముతోను - నిలిపి కాచె నేటివరకు    ॥ఆశ్చII 

4. పూర్ణ శుద్ధినొందిన పరిశుద్దులు - పొందు బహుమతికి

    ప్రత్యేకపరచి నన్నును చేర్చెను - ప్రియుని స్వాస్థ్యముగా   llఆశ్చll

5. ప్రభుని రాకడ దినమున మనము - ప్రియునివలె మారెదం

   మృత్యువు దుఃఖము కన్నీరుతొలగును - మహామహుని గాంచగా      llఆశ్చll