దాసుల ప్రార్థన దప్పక యొసగెడు
|| పల్లవి ||
దాసుల ప్రార్థన దప్పక యొసగెడు - యేసు నాయకుడె మా వేల్పు
దోషములు సేయు దుర్జనుడైనను - దోసి లొగ్గ పరవాసి జేయునట ॥దాసు॥
1వ చరణం
జన రహిత స్థలమున జని వేడెడి - మనుజుల ప్రార్ధన వినుచుండున్
తన పాదము నమ్మిన సాధూత్తమ - జనులను చూచిన సంతస మిడునట ॥దాసు॥
2వ చరణం
మది విశ్వాసము గూడిన ప్రార్ధన - సదయత వినుటకు జెవులొగ్గున్
హృదయము కనుగొని యుచిత సమయమున - గుదురుగ భక్తుల కోర్కెలిచ్చునట ॥దాసు॥
3వ చరణం
ముదమున నిద్దరు ముగ్గురు నొకచో - బదిలముగా దను బ్రార్దింపన్
వదలక దానట వచ్చి యుందునని - మృదువుగ బలికిన కృత రక్షణుడట ॥దాసు॥
Comments
Post a Comment