ఏరీతి స్తుతియింతునో

ఏరీతి స్తుతియింతునో - ఏ రీతి సేవింతునో 

నేరము లెంచని వాడ నాడు నజరేయుడా

  తీరము దాటినవాడ నాదు గలిలేయుడా

అ.ప. నా ప్రాణ నాధుండా - నీదు ప్రాణమిచ్చితివి
        నేను నీ వాడనో యేసువా (2)

1. వెదకి నన్ను ఇలా చేరితివి - వెంబడింపగ పిలిచితివి
    రోత బ్రతుకును మార్చితివి - నీదు సుతునిగా జేసితివి ॥నా ప్రాణ॥

2. మహిమ నగరిని వీడితివి - మంటి దేహము దాల్చితివి
      సకల సంపద విడచితివి  - సేవకునిగా మారితివి ॥నా ప్రాణ॥

3. ఇంత ప్రేమకు కారణము ఎరుగనైతిని నా ప్రభువా
    ఎన్నతరమా నీ ప్రేమా - సన్నుతింతును సాగెదను ॥నా ప్రాణ॥