ఈ జీవిత ఈత ఈదలేకున్నాను
ఈ జీవిత ఈత ఈదలేకున్నాను నా చేయి పట్టుకో నా యేసునాధా
అ.ప. గాలి తుఫానులను గలిగే తరంగముల - గొట్టబడుచున్నాను గదా నా దేవా
1. సారహీనమగు సంసారాబ్దిలోన సాగలేకున్నాను సాయంబురావా
సారాకరుణారసధారలే నా కొసగుము - సాగిపోవను ముందుకు శక్తి నాకిమ్ము
2. సంఘ సంబంధముగ శాంతి లేకపోయె - సమానతత్వంబు సమసిపోయె
సోదరులే నాకు శత్రువులయ్యిరి - సమాధానము నొసగ సరగునరావా
3. బయట పోరాటములు -భయపెట్టుచుండెను -బంధువులందరు బహుదూరులైరి
భార్యపుత్రాదులచే బాధలెన్నో గలిగె - బాధలన్నియు బాప బహుత్వరగ రావా
4. రాజ్యముపై రాజ్యంబు రంకె వేయుచుండె - రాష్ట్రముపై రాష్ట్రంబు రగులుచుండె
రాజులకు రాజువై రయమున రావయ్య - రాజ్యమేలను ధరణిలో రమ్ము రమ్ము
5. సైతాను చెలరేగి సమయం బిక లేదని - సింహపురీతిగా గర్జించుచుండె
సంకెళ్ళతో వచ్చి సైతానుని బంధించి - సమాధానరాజ్యం - స్థాపించరావా
Comments
Post a Comment