దేవర నీ-దీవెనలు

దేవర నీ-దీవెనలు - ధారాళముగను వీరలపై =
బాగుగ వేగమె దిగనిమ్ము - పావన యేసుని ద్వారగను

1. దంపతులు దండిగ నీ-ధాత్రిలో వెలయుచు సంపదలన్=
  సొంపుగ నింపుగ పెంపగుచు స-హింపున వీరు సుఖించుటకై     ॥దేవర॥

2. ఈ కవను నీ కరుణన్ -  ఆఖరు వరకును లోకములో =
    శోకము లేకయె యేకముగా బ్రాకటముగను జేకొనుము     llదేవరll

3. ఇప్పగిది నెప్పుడును - గొప్పగు ప్రేమతో నొప్పుచు దా =
  మొప్పిన చొప్పున దప్పకను మెప్పుగ బ్రతుకగ బంపు కృపన్     ॥దేవ॥

4. తాపములు పాపములు  -  మోపుగ వీరిపై రాకుండగా =
    గాపుగ బ్రాపుగ దాపునుండి యాపద లన్నియు బాపుచును     llదేవరll

5. సాధులుగన్ జేయుటకై -  శోధనలచే నీవు శోధింపగా =
    కదలక వదలక ముదమున నీ - పాదము దాపున బాదుకొనన్    ॥దేవ॥

6. మెండుగ భూమండలపు -  గండములలో వీరుండగను =
    తండ్రిగ దండిగ నండనుండి మెండుగ వానిని ఖండించవే       ॥దేవ॥

7. ఇద్దర వీరిద్దరును - శుద్ధులై నిన్ను సేవించుటకై =
  శ్రద్ధతో బుద్ధిగ సిద్ధపడన్ దిద్దుము నీ ప్రియ బిడ్డలుగాన్       ॥దేవర॥

8. వాసిగ నీ దాసులము చేసిన యీ మొఱల్ దీసికొని =
  మా సకలేశ్వర నీ సుతుడౌ యేసుని పేరిట బ్రోవుమామెన్       llదేవర॥