ఇదియే సమయంబు

ఇదియే సమయంబు రండి యేసుని జేరండి
ఇక సమయం లేదండి రండి రక్షణ పొందండి

1 పాపులనందరిని తన దాపున చేర్చుటకై
  ప్రాణము దానముగా తన ప్రాణమునిచ్చెనుగా
  మరణపు ముల్లును విరచి విజయము నిచ్చెనుగా ॥ఇక॥

2 రాజులకు రాజైన యేసు రానై యుండెనుగా
  గురుతులు జరిగెనుగా మీరు సరిగా చూడండి
  తరుణముండగానే మీరు తయ్యారవ్వండి ॥ఇక॥

3. బుద్ధిలేని కన్యకల వలె మొద్దులుగా నుంటే
    సిద్దెలలోన నూనె పోసి సిద్ధపడకపోతే
  తలుపులు తట్టినను మీకు తెరువడు నమ్మండి ||ఇక||

4. వెలుపట నుంటేను మీరు వేదన నొందెదరు
    తలుపులు తట్టినను మీరు తెరువడు నమ్మండి
    మిమ్మును ఎరుగను మీరెవరో పొమ్మనును ||ఇక||

5. నమ్మినవారికి క్రీస్తు నెమ్మది నిచ్చునుగా-
  నమ్మని వారికి నిత్య నరకము తప్పదుగా

    నిర్లక్ష్యము చేయకను రండి రక్షణ నొందండి ||ఇకll