దిక్కులేని వాడనో ప్రభో

దిక్కులేని వాడనో ప్రభో - నీ యండ జేరి
మ్రొక్కి సేవజేతు నో ప్రభో = మ్రొక్కి విన్నవించు వారి
యక్కరలను దీర్చు సత్యము -  గ్రక్కున నిడి యాదరించు మక్కువైన దేవ తనయ

1. ఘోర పాప భారము నెల్లను -  మోయుచు నలయు
  వారలార రండటంచును = భూరి దయను బిలిచి యున్న
  సార వాక్కు లెఱుగ కధిక భార మొంది తుదిని నీ దరి
  జేరితి నన్నాదరించుము ॥దిక్కులేనిll 

2. బలము లేని వాడనో ప్రభో -  కేవలము పాప -  ములను
    జేసి యలసితిని ప్రభో = ఇలను నే నొనర్చునట్టి -
  కలుష జాలములను నీవు - తొలగ జేసి యాత్మ కధిక -
  బలము నొసగి మనుపు మయ్య ॥దిక్కులేని॥

3. పామరుండ నౌట వల్లను నే నెఱుగనైతి - క్షేమ
  మిచ్చు పదవు లెల్లను = కామ క్రోధ లోభములను -
  దీమసమున విడిచి యేసు నామ మందు విశ్వసించి  ప్రేమను వర్తింపజేయు 
॥దిక్కులేని॥

4. వందనం బొనర్తునో ప్రభో నా డెందమందలి - సందియము
    లణంచు మో ప్రభో = సందియమెడబాపి శాస్త్ర మందు
    నుండు సార వాక్యానంద పదవు లనుభవింప - డెందము వెలిగింప వయ్య
॥దిక్కులేని॥