దేవా! వెంబడించితి నీ నామమున్

దేవా! వెంబడించితి నీ నామమున్ - జీవితేశ్వర నా జీవితాశ నీవే = రావె
నా భాగ్యమా యేసువా ll దేవా ll 

1. యేసూ! నీదు ప్రేమను నే వింటిని
  భాసురంబగు నీ సిలువ నే గంటిని = యేసువాడను నే నంటిని ll దేవా ll 

2. ప్రభో! ప్రారంభించితి ప్రయాణమున్
  పరలోక యెరూషలేము పురికిన్ = పావనా జూపుము మార్గము ll దేవా ll 

3. నాధా! ఈదలేను ఈ ప్రవాహమున్
  నీదరిన్ గాన నీ కెరటాలధాటిచే = నావికా రమ్ము నన్ బ్రోవుము ll దేవా ll  

4. స్వామీ! నీదు ప్రేమకు నే సాక్షిని
    సంఘమందున నా పొరుగువారికి నీ = సత్య సువార్త నే జాటుదున్ ॥దేవా॥

5. రాజా! నీదు రాజ్యములో జేరితి
  రమ్యమౌ రాజ్యమందున నన్ వాడుము = రక్షణానందము గూర్చుము ॥దేవ॥