జీవితంబు ఘోర కష్టనష్టంబుల్

1. జీవితంబు ఘోర కష్టనష్టంబుల్ - ఆవరించి నిన్ను దుఃఖపర్చిన
  దేవుడిచ్చినట్టి ఈవులెంచుము - నీ వాశ్చర్య మొందెదవు వానికై

అ.ప.   ఎంచుము లెక్కించు మీవులన్ - ఎంచిచూడు మేసుదీవెనల్
          ఎంచు మెంచు మెంచు మీవులన్ - వింత నొందెదవు నీవు వానికై

2. చింత మానసంబు నీకు గల్గినన్ -  వంతచే భారంబు గల్గ నీ యెదన్
    సంతసంబుతోడ నెంచు మీవులన్  - వింత నొందెదవు నీవు వానికై

3. నాశనంబు జెందు నాస్తి జూడగా - వాసిగా శ్రీ యేసు నీ కొసంగిన
  భాసురంపు భాగ్యముం దలంపుమా - యీ సౌభాగ్యమే గదా సదా యుండు

4. జీవితాదియందు ధైర్య మొందుము - దేవుడుండు నెల్లవార్కి తోడుగ
  జీవయాత్ర యందు సాయమియ్యగన్ - దేవదూతల్ నీకు తోడుగా నుండు