దేవా నీ దివ్య వాక్యము

దేవా నీ దివ్య వాక్యము ఈవిగ మాకు దొరికెను
హల్లెలూయ... హల్లెలూయ.. హల్లెలూయ.. హల్లెలూయ..

1. పాపముతో నిండిన మమ్మున్ దీపము వంటి వాక్యమే
    కల్వరికి నడిపించి కలుషంబులు తొలగించి-మా హృదయము వెలిగించెను (2)

2. వానవంటి వాక్యము తేనెకంటే మధురము
  వెండి బంగారముల వెల ఎంతయైనను -  తులతూగవు నీ వాక్యముతో (2)

3. నీ వాక్యము నీరై యుండన్ మా దాహము
    తీర్చుచుండెన్ ఆ నీరే మాకు పానము స్నానము
    నీ వాక్యము మా కీయుము (2)

4. నిర్మల క్షీరము వంటిది నిత్యాహారము వంటిది
    నీ పాలతో మము పెంచి నీ తోటలో మము ఉంచి
    నీ బలమును మాకీయుమా (2)

5. సుత్తియై మెత్తనచేయున్ - విత్తనమై ఫలియించును
    ఖడ్గమువలె దూయుచు కలుషములను కోయుచు
    నీ మహిమను మా కీయుమా (2)

6. అద్దమువలె దిద్దును మమ్మున్ అగ్నియై కాల్చును చెత్తన్
  నీ వాక్యము వివరించి - మాలోటును సవరించి -  నీ రూపము మాకీయుము (2)

7. వాక్యముతో నింపితివి సాక్షులుగా పంపితివి
    నీ చేతిలో మముదాచి నీ చూపులో మము కాచి - నీ సన్నిధి మా కీయుము (2)