ఆ కాశంబు భూమియు

1. ఆకాశంబు భూమియు - అంతట చీకటి యాయెను =
    ప్రాకెడు చీకటి సమయమున - ప్రార్ధన చేతుము మా దేవా

2. చక్కని చుక్కలు మింటను - చక్కగ మమ్మును జూడగ =
  ప్రక్కకు రావే వేగముగా - ప్రభువా గావుము నీ నీడన్

3. చిన్న చిన్న పక్షులు - చిన్న చిన్న పూవులు =
    ఎన్నో ఎన్నో జీవులు - నిన్నే గొలిచి నిద్రించున్

4. చిన్ని చిన్ని పాపలు - చిన్ని చిన్ని పడకలలో =
    చిన్ని కన్నులు మూయంగా - చెన్నుగ యేసూ గావుమా

5. నేలను బోయెడి బండ్లలో - నీటను బోయెడి ఓడలలో =
    గాలి విమానంబులలోన - కావుము దేవ ప్రయాణికులన్

6. రాత్రిలో నీదు దూతలు - రమ్యంబైన రెక్కలతో =
    చిత్రంబుగ మమ్మును గ్రమ్మన్ - నిద్రించెదము మా దేవా

7. తెల్లవారుజామున - తెలివొంది మే మందరము =
    మెల్లగలేచి నుతియింపన్ - మేల్కొల్పుము మా ప్రియ తండ్రి

8. జనక తనయా శుద్ధాత్మా - జయము మహిమ స్తోత్రములు =
    అనిశము నీకే చెల్లునుగా - అనిశము చెల్లును నీ కామెన్