అన్ని కాలంబుల-నున్న యెహోవా ని-నెన్నదరంబయో

అన్ని కాలంబుల-నున్న యెహోవా ని-నెన్నదరంబయో -
కన్న తండ్రి - వన్నె కెక్కిన మోక్ష - వాసాళి సన్నుతు -
లున్నతమై యుండ - మున్నె నీకు.                                  II అన్ని II 1. నిన్ను బ్రకటన సేయ - నిఖిల లోకములను -
బన్నుగ జేసిన - బలుడ వీవె - ఉన్న లోకంబుల -
నుడుగక కరుణాసం - పన్నతతో నేలు ప్రభుడ నీవే -
అన్ని జీవుల నెరిగి - యాహార మిచ్చుచు -  నున్న
సర్వజ్ఞుండవు నీవే - ఎన్న శక్యముగాక -
ఉన్న లక్షణముల - సన్నుతించుటకు నే- జాలుదునా.        II అన్ని II
2. పుట్టింప నీవంచు - బోషింప నీవంచు -
గిట్టింప నీవంచు - గీర్తింతును - వట్టి పనికి మాలి - నట్టి 
మానవులచే- పట్టి రక్షింప - ధ్యుండవంచు -
దట్టమైన కృపను - దరిజేర్చ - నాకిచ్చి - పట్టయి నిలచియుందు -
ప్రభుడ వంచు - గట్టడచే గడ ముట్టుదనుక 
నా - పట్టుకొలది నిన్ను - బ్రస్తుతింతు.     II అన్ని II
3. కారుణ్యనిధి నీవు కఠినాత్ముడను నేను- భూరి శుద్ధుడ నీవు-
పాపి నేను  - సార భాగ్యుడ నీవు జగతిలో నాకన్న -
దారిద్రుడే లేడు - తరచి చూడ  - 
 సార సద్గుణముల - సంపన్నుడవు నీవు -
ఘోర దుర్గుణ సం-చారి నేను ఏ రీతి స్తుతియింతు -
నే రీతి సేవింతు - నేర మెన్నక ప్రోవ - నెరనమ్మితి     II అన్ని II