అందాలతార అరుదెంచె నాకై - అంబర వీధిలో

అందాలతార అరుదెంచె నాకై  -  అంబర వీధిలో
అవతారమూర్తి యేసయ్య కీర్తి -  అవని చాటుచున్ 

ఆనంద సంద్రముప్పొంగె నాలో -  అమరకాంతితో 

ఆది దేవుని చూడ ఆశింప మనస్సు పయనమైతిని

1. విశ్వాసయాత్ర దూరమెంతైన  -  విందుగ దోచెను 

వింతైన శాంతి వర్షించే నాలో - విజయపథమున 

విశ్వాల నేలెడి దేవకుమారుని - వీక్షించు దీక్షతో
విరజిమ్మె బలము ప్రవహించె ప్రేమ విశ్రాంతి నొసగుచున్

2. యెరూషలేము రాజనగరిలో -  యేసును వెదకుచు 

ఎరిగిన దారి తొలగినవేళ - ఎదలో కృంగితి
యేసయ్య తార ఎప్పటివోలె - ఎదురాయె త్రోవలో 

ఎంతో అబ్బురపడుచు విస్మయమొందుచు యేగితి స్వామి కడకు

3. ప్రభు జన్మస్థలము పాకయెగాని - పరలోక సౌధమే 

బాలుని చూడ జీవితమంతా -  పావనమాయెను

ప్రభు పాద పూజ దీవెనకాగా -  ప్రసరించే పుణ్యము

బ్రతుకే మందిరమాయె అర్పణలే సిరులాయె ఫలియించె ప్రార్థన

 Description:- "అందాలతార అరుదెంచె నాకై" అనేది తెలుగు క్రైస్తవులకు చాలా పరిచయమైన ఒక పాత క్లాసిక్ క్రిస్మస్ పాట. ఈ పాట ప్రభువైన యేసు క్రీస్తు జన్మ మహిమను అద్భుతంగా కీర్తిస్తుంది. బేత్లెహేము పాకలో జన్మించిన దేవకుమారుని దర్శించుకోవాలనే విశ్వాసి యొక్క తపనను ఈ పాట హృద్యంగా వర్ణిస్తుంది. తెలుగు క్రైస్తవ సంఘాలలో క్రిస్మస్ సీజన్‌లో ఈ పాటను భక్తిగా పాడతారు. విశ్వాస యాత్ర, ప్రభు పాద పూజ మరియు ప్రార్థన ఫలించిన అనుభవాలు ఈ పాటలో చాలా సుందరంగా చిత్రీంచబడ్డాయి. ఈ పాట వినే ప్రతి విశ్వాసి హృదయంలో క్రీస్తు జన్మ సంతోషం పొంగిపొర్లుతుంది.

"Andhalatara Arudhenche Nakai" is a very old and famous Telugu Christian Christmas song that glorifies the birth of Lord Jesus Christ. This beautiful worship song is widely sung in Telugu churches during the Christmas season. The song describes the believer's journey to witness the newborn King in Bethlehem and the joy, peace and blessings received through faith and prayer.