సుందరమైన దేహాలెన్నో శిథిలం కాలేదా?

సుందరమైన దేహాలెన్నో శిథిలం కాలేదా?

అంబరమంటిన రాజులెందరో అలిసిపోలేదా?

కలములు పట్టిన కవులు ఎందరో కనుమరుగవలేదా?

ధరణిలోన ధనికులెల్లరు దహనం కాలేదా?

ఏదీ శాశ్వతం కాదేది శాశ్వతం

తరచి చూడుము పరికించి చూడము (2)       ||సుందరమైన||

1.నెత్తుటి చారలను లిఖించిన రాజులెందరో
ఆ నెత్తురులోనే ప్రాణాలు విడిచిపోయారు
అధికార దాహంతో మదమెక్కిన వీరులు
సమాధి లోతుల్లోనే మూగబోయారు (2)
తపోబలము పొందిన ఋషులందరూ
మతాధికారులు మఠాధిపతులు
ఈ కాలగర్భంలోనే కలసిపోయారు
మరణ పిడికళ్లలో బందీలయ్యారు (2)
యేసులేని జీవితం వాడబారిన చరితం (2)
క్రీస్తు ఉన్న జీవితం భువిలో చరితార్ధం (2)      ||సుందరమైన||

2.ప్రాణం పోసిన దైవాన్ని కాదంటే
ఆ జీవితానికి పరమార్ధం ఉంటుందా?
పాప సంకెళ్ళలో బందీలైనవారికి
ఆ దివ్య మోక్షం చేరుకొనే భాగ్యం ఉంటుందా? (2)
శరీరాన్ని విడిచిన మనుష్యాత్మకు
మరో జీవితం లేదనుట భావ్యమా?
రక్తము కార్చిన యేసుని విస్మరించి
ఈ సృష్టిని పూజించుట మనిషికి న్యాయమా? (2)
యేసులేని జీవితం అంధకార భందురం (2)
క్రీస్తు ఉన్న జీవితం తేజోమయ మందిరం (2)      ||సుందరమైన|| Sundaramaina dehaalenno shithilam kaaledaa? Ambaramantina raajulendaro alisipoledaa? Kalamulu pattina kavulu endaro kanumarugavaledaa? Dharanilona dhanikulellaru dahanam kaaledaa? Edee shaashvatam kaadedi shaashvatam Tarachi choodumu parikinchi choodamu (2) ||sundaramaina|| 1.Nettuti chaaralanu likhinchina raajulendaro Aa netturulone praanaalu vidichipoyaaru Adhikaara daahanto madamekkina veerulu Samaadhi lotullone moogaboyaaru (2) Tapobalamu pondina rushulandaroo Mataadhikaarulu mathaadhipatulu Ee kaalagarbhanlone kalasipoyaaru Marana pidikallalo bandeelayyaaru (2) Yesuleni jeevitam vaadabaarina charitam (2) Kreestu unna jeevitam bhuvilo charitaardham (2) ||sundaramaina|| 2.Praanam posina daivaanni kaadante Aa jeevitaaniki paramaardham untundaa? Paapa sankellalo bandeelainavaariki Aa divya moksham cherukone bhaagyam untundaa? (2) Shareeraanni vidichina manushyaatmaku Maro jeevitam ledanuta bhaavyamaa? Raktamu kaarchina yesuni vismarinchi Ee srushtini poojinchuta manishiki nyaayamaa? (2) Yesuleni jeevitam andhakaara bhanduram (2) Kreestu unna jeevitam tejomaya mandiram (2) ||sundaramaina||