మనకై యేసు మరణించె - మన పాపముల కొరకే

మనకై యేసు మరణించె - మన పాపముల కొరకే

నిత్య జీవము నిచ్చుటకే - సత్యుండు సజీవుడాయే

1.తృణికరింపబడే - విసర్జింపబడెను

   దుఃఖక్రాంతుడాయె - వ్యసనములు భరించెను            ॥మనకై॥

2.మన వ్యసనములు వహించెను మన దుఃఖముల భరించెను
  మన మెన్నిక చేయకయే మన ముఖముల త్రిప్పితిమి     ॥మనకై॥

3.మన యతిక్రమముల కొరకు మన దోషముల కొరకు

  మన నాథుడు శిక్షనొందె - మనకు స్వస్థత కలిగె            ॥మనకై|| 4.గొర్రెలవలె తప్పితిమి పరుగిడితిమి మన దారిన్

  అరుదెంచే కాపరియై - అర్పించె ప్రాణమును                ॥మనకై॥

5.దౌర్జన్యము నొందెను - బాధింపబడెను                      

  తన నోరు తెరువలేదు - మనకై క్రయధన మీయన్        ॥మనకై||

6. ఎదిరింపలే దెవరిన్ - లేదే కపటము నోట              

    యెహోవా నలుగ గొట్టెన్ - మహావ్యాధిని కలిగించెన్     ॥మనకై॥

7. సిలువలో వ్రేలాడెన్ సమాధిలో నుండెను

    సజీవుండై లేచెన్- స్తోత్రము హల్లెలూయ                 ॥మనకై॥