స్తుతి ప్రశంస పాడుచు కీర్తింతు నిత్యము

స్తుతి ప్రశంస పాడుచు కీర్తింతు నిత్యము (2)
మహా రక్షణ నిచ్చియు మనశ్శాంతి నిచ్చెను (2)

పాపలోక బంధమందు దాసత్వమందుండ (2)
నీ రక్తశక్తిచే ప్రభు విమోచించితివి (2)               ||స్తుతి ప్రశంస||

పాప భారముచే నేను దుఃఖము పొందితి (2)
నా ప్రభువే భరించెను నా దుఃఖ బాధలు (2)      ||స్తుతి ప్రశంస||

హృదయాంధకారముచే నేను దారి తొలగితి (2)
ప్రభువే జ్యోతి యాయెను సత్యమార్గము చూపె (2)    ||స్తుతి ప్రశంస||

పెంటకుప్పనుండి నన్ను లేవనెత్తితివి (2)
దరిద్రుడనైన నన్ను రాజుగా జేసితివి (2)        ||స్తుతి ప్రశంస||