ఇన్నాళ్లు తోడుగా మాతో నడిచావు
ఇమ్మానుయేలుగా వెన్నంటి నిలిచావు " (2)
ఇశ్రాయేలు కాపరి నీకు స్తోత్రము
నిన్నే అనుసరింతుము జీవితాంతము. (2)
ఘనులైన వారే గతియించగా
ధనమున్నవారే మరణించగా. (2)
ఎన్నతగని వారమైనా మమ్ము కనికరించావు
మా దినములు పొడిగించి సజీవులుగా ఉంచావు . (2) ||ఇశ్రాయేలు||
మా కంట కన్నీరు జారకుండగా
ఏ కీడు మా దరికి చేరకుండగా. (2)
కంటి రెప్పలా కాచి భద్రపరచియున్నావు
దుష్టుల ఆలోచనలు భంగపరచియున్నావు. (2) ||ఇశ్రాయేలు||
ఇన్నేళ్లు ఇలలో ఉన్నాము మనము
చల్లని దేవుని నీడలో. (2)
గతించిపోయే కాలం – స్మరించు యేసు నామం
సంతోషించు ఈ దినం. (2) ||ఇన్నేళ్లు||
లోకమే నటనాలయం
జీవితమే రంగుల వలయం. (2)
పరలోకమే మనకు శాశ్వతం
పరలోక దేవుని నిత్య జీవం. (2)
ప్రేమామయుడే ఆ పరమాత్ముడే
పదిలపరచెనే రక్షణ భాగ్యం. (2) ||ఇన్నేళ్లు||
మారు మనస్సు మనిషికి మార్గం
పశ్చాత్తాపం మనసుకు మోక్షం. (2)
నీ పూర్ణ హృదయముతో మోకరిల్లుమా
నీ పూర్ణ ఆత్మతో ప్రార్ధించుమా. (2)
పరిపూర్ణుడే పరిశుద్ధాత్ముడే
కరుణించునే కలకాలం . (2) ||ఇన్నేళ్లు||
No comments:
Post a Comment