ఎంతో వింత యెంతో చింత

ఎంతో వింత యెంతో చింత-యేసునాధు మరణ మంత-పంతము తో
జేసి రంత-సొంత ప్రజలు స్వామి నంత         ||ఎంతో||

1.పట్టి కట్టి నెట్టి కొట్టి - తిట్టి రేసు నాధు నకటా - అట్టి శ్రమల నొంది
పలుక - డాయె యేసు స్వామి నాడు (2)       ||ఎంతో||

2.మొయ్యలేని మ్రాను నొకటి - మోపి రేసు వీపు పైని - మొయ్యలేక -
మ్రాని తోడ - మూర్చబోయే నేసు తండ్రి (2)      ||ఎంతో||

3.కొయ్యపై నేసయ్యన్ బెట్టి - కాలు సేతులలో జీలల్ - కఠిను లంత
గూడి కొట్టిరి - ఘోరముగ క్రీస్తేసున్ బట్టి (2)      ||ఎంతో||

4.దాహము గొన చేదు చిరక - ద్రావ నిడిరి ద్రోహు లకటా = ధాత్రి
ప్రజల బాధ కోర్చి - ధన్యుడా దివి కేగె నహహా (2)      ||ఎంతో||

5.బల్లెముతో బ్రక్కన్ బొడవన్ - పారే నీరు రక్త మహహా - ఏరై పారే
యేసు రక్త - మెల్ల ప్రజల కెలమి నొసగు (2)      ||ఎంతో||